APLning ikki klubi Fofana uchun kurashadi
Photo: Getty Images
“Lion” yarim himoyachisi Malik Fofana APL jamoalari qiziqish doirasida bo‘lib turibdi.
Goal.com xabar berishicha, "Chelsi" va "Liverpul" 20 yoshli belgiya futbolchisi uchun kurashmoqda.
Har ikki klub ham allaqachon taklif bilan “Lion”ga murojaat qilgan. "Lion" Liga 2'ga tushib ketganidan so‘ng moliyaviy ko‘rsatkichlarini barqarorlashtirish uchun futbolchilarini sotishi kutilmoqda.
Fofana 2024/25 yilgi mavsum "Lion" safida 41 o‘yinda maydonga tushib, 11 ta gol urdi va 6 ta golli uzatmani amalga oshirdi. Uning shartnomasi 2028 yil 30 iyungacha amal qiladi. Transfermarkt futbolchining transfer qiymatini 30 mln yevroga baholamoqda.
Roziqjon Sultonmurodov
Jurnalist
