APLda avgust oyining eng yaxshi murabbiyi aniqlandi
Avvalroq APLda oy futbolchisi nomi e'lon qilingandi.
ФОТО: Getty images
Angliya Premer-ligasida avgust oyining eng yaxshi murabbiyi aniqlandi.
Liga sayti xabar berishicha, mukofotni "Liverpul" yetakchisi Arne Slot qabul qilib oldi.
"Liverpul" Angliya chempionatining dastlabki uchta turini mag'lubiyatsiz o'tkazishga muvaffaq bo'lgan yagona jamoadir. "Qizillar" "Bornmut" (4:2), "Nyukasl" (3:2) va "Arsenal"ni (1:0) mag'lub etdi.
Arne Slot uchun bu faoliyatidagi ikkinchi shunday mukofotdir. U birinchi marta 2024 yil noyabr oyi yakunlariga ko'ra APLda oyning eng yaxshi murabbiyi deb topilgandi.
Roziqjon Sultonmurodov
Jurnalist