Angliya kubogi. «Fulhem» Chempionship vakiliga yutqazib, turnirni tark etdi
Bittagina gol bahs taqdirini hal qildi.
ФОТО: Getty images
Angliya kubogi 1/8 finalida "Fulhem" o‘z maydonida "Sautgempton"ni qabul qildi. Bahs mehmonlarning minimal — 1:0 hisobidagi g‘alabasi bilan yakunlandi.
Bahs taqdiri esa o‘yin oxirida hal bo‘ldi. 90-daqiqada "Sautgempton" penalti ishlab oldi va Ross Styuart zarbani aniq amalga oshirib, jamoasiga g‘alaba keltirdi.
Shu tariqa Chempionship vakili Angliya kubogining chorak finaliga yo‘l oldi.
Angliya Kubogi, 1/8 final
"Fulhem" — "Sautgempton" 0:1
Gol: Styuart 90 (pen.).
Roziqjon Sultonmurodov
Jurnalist