Angliya ilk bor 4 xorij klubi vakili bilan maydonga tushdi
Angliya terma jamoasi tarkibida tarixiy holat qayd etildi
Foto: Getty Images
JCh-2026 guruh bosqichining 3-turidan o‘rin olgan Panama — Angliya uchrashuvi oldidan inglizlar tarkibi bilan bog‘liq tarixiy ko‘rsatkich qayd etildi.
Angliya terma jamoasi mundiallar tarixida ilk bor boshlang‘ich tarkibda bir vaqtning o‘zida Angliya klublarida faoliyat yuritmaydigan 4 nafar futbolchi bilan maydonga tushdi.
Ular — Jarell Kuansa, Harri Keyn, Markus Reshford va Jud Bellingem.
Kuansa Germaniyaning “Bayer” klubida, Keyn “Bavariya”da, Reshford “Barselona”da, Bellingem esa Madridning “Real” klubida to‘p surmoqda.
Ushbu holat ingliz futbolchilarining so‘nggi yillarda Yevropaning boshqa yetakchi klublarida ham muhim o‘rin egallayotganini ko‘rsatadi.
Nasrullo Karimov
Jurnalist