Andijonda UFA SPRING CUP 2026 xalqaro turniri qizg‘in ruhda davom etmoqda

Andijon tumani sport maktabining futbol maydonida o’tkazilayotgan ushbu musobaqada jami 16 ta jamoa g‘oliblik uchun o‘zaro bellashmoqda.

Turnir xalqaro miqyosida o‘tkazilayotgani bilan ahamiyatli bo‘lib, unda qo‘shni Qirg‘iziston Respublikasidan tashrif buyurgan jamoalar ham ishtirok etmoqda. Jumladan, Alay, O‘sh jamoasi ham musobaqaga o‘z kuchli tarkiblari bilan qatnashib, raqobatni yanada keskinlashtirmoqda.

Mazkur turnir yosh futbolchilar uchun katta tajriba maktabi bo‘lib xizmat qilmoqda va sportchilar o‘rtasida do‘stlik hamda sport ruhini mustahkamlashga hissa qo‘shadi.

Roziqjon Sultonmurodov

Jurnalist