“Andijon” “Mash’al”ga qarshi tayyorgarlikni boshladi

Futbol 31 mar 2025 da 14:17

Ibrohim Jalolov

28-mart kuni Superliga 3-turidan o’rin olgan “Navbahor”-“Andijon” o’yinidan keyin kichik ta’tilga chiqqan andijonliklar bugun 2 kunlik tanaffusdan so’ng yana klub ba’zasida yig’ildi.

Futbolchilar navbatdagi o’yin uchun tayyorgarlikni bosh murabbiy Aleksandr Xomyakov boshchiligida boshlab yuborishdi. 6-aprel kuni “Burgutlar” navbatdagi tur doirasida “Bobur arena”da Muborakning “Mashʼal” jamoasini qabul qiladi.

Eslatib oʻtamiz, “Andijon”ning “Mashʼal”ga qarshi oʻyini 6-aprel sanasida soat 17:45 da boshlanadi.