Andijon. Aliev ketdi, Abdug'afforov ijaraga berildi
21 yoshli yarim himoyachi Abbos Abdug'afforov Qirg'iziston chempionati ishtirokchisi - “Alay” jamoasiga ijaraga berildi.
photo: Andijon fk
“Andijon”ning qishki seleksiyadagi rejalari har tomonlama o'ylab chiqilgan reja asosida amalga oshirilganligini alohida ta'kidlab o'tmoqchimiz.
Lekin kutilmagan o'zgarishlar ham yuz berishi tabiiy hol. Jumladan, O'zbekiston U17 safida Osiyo chempionligini qo'lga kiritgan hujumchi Asilbek Aliev bilan kelishuvga erishilgandi. Keyinchalik esa uning o'rniga jamoadoshi - Sayfiddin Sodiqov jalb qilinganligi bois Aliev bilan o'rtadagi shartnoma o'zaro kelishuvga ko'ra bekor qilindi.
Shuningdek, 21 yoshli yarim himoyachi Abbos Abdug'afforov Qirg'iziston chempionati ishtirokchisi - “Alay” jamoasiga ijaraga berilganligini ham ma'lum qilamiz",-deb yoziladi klub rasmiy sahifasida.
Ibrohim Jalolov
Redaktor