Amorimga kamida uch yil muddat beriladi
Klub rahbari bu haqda o'zining suhbatida aytib o'tdi.
ФОТО: Getty images
“Manchester United” hamasoschisi Jim Ratcliffe jamoa bosh murabbiyi Ruben Amorim atrofidagi bosimni yengillashtirdi.
Avvalroq portugaliyalik mutaxassisning isteʼfosi haqida gap-soʻzlar chiqqan edi.
“U hali oʻzini buyuk murabbiy sifatida koʻrsatishi kerak. Buning uchun vaqt zarur. Matbuot esa natijani darhol, ertaga boʻlishini xohlaydi. “MYU”ni shoshilinch qarorlar bilan boshqarib boʻlmaydi”, — dedi Ratcliffe The Business podkastida.
Eslatib oʻtamiz, “MYU” APL turnir jadvalida 10-oʻrinda bormoqda. Angliya Liga Kubogida quyi divizion vakiliga yutqazib, turnirdan chiqib ketdi.
Roziqjon Sultonmurodov
Jurnalist
