Alvares: «Javob bahsida ishni oxiriga yetkazib qo'yishimiz kerak»
Alvares birinchi o'yinning eng yaxshi futbolchisi bo'ldi.
ФОТО: Getty images
“Atletiko” hujumchisi Xulian Alvares Chempionlar ligasi chorak finalining dastlabki bahsida "Barselona" ustidan qo'lga kiritilgan g'alabadan (2:0) so'ng o'z fikrlari bilan o'rtoqlashdi.
"Bu hali oxiri emas. Oldinda yana 90 daqiqa bor. Bizda ustunlik bor, biroq o'z muxlislarimiz qarshisida o'tadigan uy uchrashuvida ishni oxiriga yetkazib qo'yishimiz kerak. Bu oson bo'lmaydi. Qattiq ishlashimiz va e'tiborni o'z o'yinimizga qaratishimiz lozim. Biz qadamma-qadam o'zimiz istagan maqsad sari intilmoqdamiz", – dedi Alvares.
Eslatib o'tamiz, Kataloniyadagi bahsda Xulian jarima to'pidan so'ng supergol muallifi bo'ldi.
Roziqjon Sultonmurodov
Jurnalist