“Al-Nasr” Krishtianu Ronaldu bilan xayrlashish arafasida — Marca
Futbol
Bakradze Iman
Redaktor
Rasm: gettyimages.com
Ispaniyaning nufuzli Marca nashri xabariga ko‘ra, Saudiya Arabistonining “Al-Nasr” klubi tajribali hujumchi Krishtianu Ronaldu bilan xayrlashish niyatida. Bugun, 29 may kuni jamoa matbuot anjumani o‘tkazishi rejalashtirilgan bo‘lib, unda klub tarkibi hamda ma’muriy tuzilmadagi ko‘plab o‘zgarishlar haqida e’lon qilinishi kutilmoqda.
“Al-Nasr” joriy mavsum Saudiya Arabistoni Pro-ligasini 70 ochko bilan uchinchi o‘rinda yakunladi. Chempion “Al-Ittihod”dan jamoa 13 ochkoga ortda qoldi. Shunga qaramay, Krishtianu Ronaldu 25 gol bilan musobaqaning eng yaxshi to‘purari bo‘ldi.
40 yoshli portugaliyalik yulduz 2023 yildan buyon saudiyalik klub safida to‘p surmoqda. Uning “Al-Nasr” bilan tuzilgan shartnomasi shu yozda o‘z nihoyasiga yetadi.