Abduqodir Husanov yangi energetik ichimlik ramziga aylandi
Rasm: gettyimages.com
O‘zbekistonda AK45 nomli yangi energetik ichimlik taqdim etildi. Bu ichimlik futbolimizning eng istiqbolli vakillaridan biri — "Manchester City" va milliy terma jamoamiz himoyachisi Abduqodir Husanovga bag‘ishlangan.
Ichimlik nomi to‘g‘ridan-to‘g‘ri futbolchi bilan bog‘liq: AK — Abduqodir Husanovning bosh harflari, 45 esa uning Angliya klubi tarkibida o‘ynayotgan raqami hisoblanadi.
Futbolchining brend targ‘ibotiga qanchalik jalb qilingani hozircha noma’lum. Biroq, Husanovning Instagram’dagi rasmiy sahifasi ak45sila akkauntiga obuna bo‘lgani, ushbu loyiha kamida bilvosita futbolchi tomonidan qo‘llab-quvvatlanayotganidan dalolat berishi mumkin.
Bakradze Iman
Redaktor
