Abduqodir Husаnov 'Manchester City' jamoadoshlarini kuylashi bilan hayratga soldi
O'zbek futbolchisi jamoaviy kechki ovqat paytida mashhur xitni ijro etdi — jamoadoshlari olqishlar bilan kutib olishdi
Rasm: upl.uz
'Manchester City' va O'zbekiston terma jamoasi markaziy himoyachisi Abduqodir Husаnov jamoadoshlari oldida qo'shiq kuyladi. Uning chiqishiga oid video hujumchi Erling Haalandning Instagram sahifasidagi storiesda paydo bo'lgan, biroq hozirda olib tashlangan.
Futbol muxlislari Husаnov ijro etgan taronani tezda tanishdi — bu o'zbek rep ijodkori Radius 21 (Shahzod G'ulomov)ning mashhur “Dubay” qo'shig'i edi. Jamoadoshlari uning chiqishini olqishlar bilan kutib olishgan.
Ayni paytda 'Manchester City' AQShda bo'lib, Klublar o'rtasidagi jahon chempionatida ishtirok etmoqda. 18 iyun kuni Toshkent vaqti bilan soat 21:00 da jamoa Marokashning 'Vidad' klubiga qarshi maydonga tushdi.
Bakradze Iman
Redaktor
