Abbos Ergashev: Shohnazar Norbekov yaxshi o‘yin ko‘rsatdi

«Lokomotiv-BFK» bilan o’yindan so‘ng Guliston jamoasi bosh murabbiyi Abbos Ergashev o‘z fikrlarini bildirdi.

«O‘yinni juda yomon boshladik. Bu bevosita meni ham havotirga qo‘ydi. Boisi o‘yin boshidagi xatolar uchrashuv natijasiga ta'sir o‘tkazishi mumkin edi. Lekin bunday bo‘lmadi va muhim g‘alabani qo‘lga kiritishni uddaladik.

Bugun jamoamizga asosiy futbolchilarimizdan biri Asilbek Umrzoqov qizil kartochkasi borligi sabab yordam bera olmadi. Uning yo‘qligi albatta bilindi. Ammo, uni o‘rnida o‘ynagan tajribali Shohnazar Norbekov ham yaxshi o‘yin ko‘rsatdi», — dedi Ergashev.

Ibrohim Jalolov

Redaktor