A Seriyaning 3 klubi Ikardiga jiddiy qiziqmoqda
Futbolchining turk klubi bilan shartnomasi joriy mavsum oxirigacha amal qiladi.
ФОТО: Getty images
“Galatasaray” hujumchisi Mauro Ikardi turk klubini tark etishi mumkin, bu haqda Sportmediaset nashri xabar berdi.
Manbaga ko‘ra, unga A Seriyaning bir necha jamoalari qiziqmoqda. Xususan, “Milan”, “Como” va “Roma” 32 yoshli argentinalikni o‘z safiga qo‘shib olmoqchi.
Ma’lumot uchun, ushbu mavsumda Ikardi “Galatasaray” safida barcha turnirlarda 21 ta o‘yin o‘tkazdi va 8 ta gol urdi.
Futbolchining turk klubi bilan shartnomasi joriy mavsum oxirigacha amal qiladi. Portal futbolchining qiymatini 6 million yevro deb baholaydi.
Roziqjon Sultonmurodov
Jurnalist