World Boxing Cup. Bugun bir o‘zbekistonlik bokschi finalda jang qiladi
Qozog‘istonda start olgan World Boxing tashkiloti kubogi bahslarida bugun final janglari bo‘lib o‘tadi.
Ushbu bosqichga vakillarimizdan Navbahor Hamidova yetib keldi va u o‘zining doimiy raqiblaridan, turkiyalik Olimpiada va uch karra Jahon chempioni Busenaz Surmeneliga qarshi ringga ko‘tariladi. Navbahor Busenaz bilan so‘nggi bor mart oyida Jahon chempionati finalida ham to‘qnash kelgandi va biroz omadsizlik sabab mag‘lub bo‘lgan edi. Lekin, bugun u raqibasidan ustun kelishiga ishonamiz va omad tilaymiz.
-65 kg: Navbahor Hamidova - Busenaz Surmeneli (Turkiya) 20:00
Yarim finalda mag‘lub bo‘lgan 4 sportchimiz — Feruza Kazakova (54 kg), Aziza Zokirova (75 kg), Sohiba Ro‘zmetova (80 kg) va Oltinoy Sotimboyeva (+80 kg) bronza medalini qo‘lga kiritishdi.
