Usikning keyingi jangi sanasi ma'lum bo‘ldi
Hozircha uning raqibi noma'lum.
ФОТО: Getty images
Ukrainalik 38 yoshli og‘ir vazn toifasidagi mutlaq jahon chempioni Aleksandr Usik kelasi yilda ringga qaytadi. Bu haqda bokschining jamoasi direktori Sergey Lapin xabar berdi.
Qayd etilishicha, Usik 2026 yilning birinchi yarmida jang o‘tkazadi. Hozircha uning raqibi noma'lum.
Eslatib o‘tamiz, Usik so‘nggi jangini 2025 yil 20 iyul kuni Londondagi “Uembley” stadionida britaniyalik Daniel Dyubua bilan o‘tkazgan edi.
Unda ukrainalik bokschi raqibini 5-raundda nokautga uchratib, mutlaq chempionlik kamarini himoya qilgandi.
Roziqjon Sultonmurodov
Jurnalist