Usik Trampni Ukrainada bir hafta yashashga taklif qildi
Rasm: gettyimages.com
Super og‘ir vazn toifasida jahon chempioni bo‘lgan ukrainalik bokschi Aleksandr Usik AQShning prezidenti Donald Trampni Ukrainaga taklif qildi.
Usikning ta’kidlashicha, u Trampga o‘z uyini bir haftaga berishga tayyor:
«Amerika Qo‘shma Shtatlari prezidenti Donald Trampga murojaat qilmoqchiman: Ukrainaga keling va uyimda bir hafta yashab ko‘ring. Faqat bir hafta. Men unga uyimni taqdim etaman. U yerda nima bo‘layotganini ko‘rsin», — deya Usikning so‘zlarini keltiradi BBC.
Olimpiada chempionining bu chaqiruvi siyosiy muhokamalarga ham sabab bo‘ldi.
Bakradze Iman
Redaktor