O‘zbekistonlik professional bokschi Ruslan Abdullayev professional boks haqida fikr bildirdi
O‘zbekistonlik professional bokschi, birinchi yarim yengil vazn toifasida WBA Continental Gold kamarining egasi Ruslan Abdullayev o‘zining oxirgi jangidan so‘ng professional boks haqida fikr bildirdi.
Intervyu davomida u shunday dedi:
«Professional boks — bu boshqacha daraja. Raundlar ko‘p, zarbalar qattiq. Lekin aynan shu qattiqlik menga yoqdi. Kamar uchun kurash oson kechmaydi, deb o‘ylayman».
Ma'lumot uchun: 20 aprel kuni AQShning Kaliforniya shtati, Oushensayd shahrida o‘tkazilgan boks kechasida Ruslan Abdullayev filippinlik Jino Rodrigni ochkolar bo‘yicha mag‘lub etib, WBA Continental Gold kamarini qo‘lga kiritdi.
Ruslan Abdullayev - O‘zbekiston milliy terma jamoasi a'zosi, 2023 yilgi jahon chempioni, 2022 yilgi Osiyo chempioni, 2021 yilgi O‘zbekiston chempioni hamda xalqaro va milliy musobaqalarning ko‘p karra g‘olibi va sovrindori.
