O‘zbekiston professional boks federatsiyasiga yangi rais tayinlandi
Boks
Bakradze Iman
Redaktor
Rasm: Gazeta.uz
26-may kuni Toshkent shahrida O‘zbekiston professional boks federatsiyasining navbatdan tashqari konferensiyasi bo‘lib o‘tdi. Tadbirda Sport vaziri Adham Ikramov, federatsiya rahbarlari hamda bokschilar ishtirok etdi.
Konferensiya davomida federatsiyaning yangilangan rahbariyat tarkibi shakllantirildi. Unga ko‘ra, Bilol Erkinov O‘zbekiston professional boks federatsiyasining yangi raisi etib tayinlandi. Avvalgi rais G‘ofur Rahimov esa rais o‘rinbosari sifatida o‘z faoliyatini davom ettiradi.