Boks. Jahon chempionatida 4 nafar o'zbek sportchilari navbatdagi g'alabalarini qo'lga kiritishdi
Liverpulda bo'lib o'tayotgan turnir o'zining qizg'in pallasiga kirib bormoqda.
photo: boxing Uzbekistan
Boks bo'yicha Angliyaning Liverpul shahrida bo'lib o'tayotgan Jahon chempionati o'zining qizg'in pallasiga kirib bormoqda.
To‘rabek Xabibullayev yarim finalga yo‘l oldi. Bokschimiz -90 kg vaznda yana bir qozog‘istonlik bokschi Sag‘indik Tog‘ambayga imkon qoldirmadi. 5:0.
Feruza Kazakova -51 kg vazn toifasida bo‘lib o‘tgan bahsda, mo‘g‘ilistonlik Mungunsaran Balsanni 5:0 hisobida mag‘lubiyatga uchratdi.
Xumorabonu Mamajonova -57 kg vaznda bo‘lib o‘tgan bahsda, hindistonlik Jaisminega 0:5 hisobida mag‘lub bo‘ldi va musobaqani chorak finalda yakunladi.
Navbahor Hamidova yarim finalda! Bokschimiz -65 kg vaznda bo‘lib o‘tgan bahsda, mezbon Sacha Hikkeyni 4:1 hisobida mag‘lub etdi.
