Boks: Dusmatov va Fozilova yarim finalda!
Boks
Bakradze Iman
Redaktor
Rasm: boxing.uz
O‘zbekiston bokschilari Xitoydagi xalqaro musobaqada navbatdagi g‘alabalarini qayd etishmoqda.
-55 kg vazn toifasida ringga ko‘tarilgan Faryozbek Dusmatov hindistonlik Bartval Pavan ustidan yirik — 5:0 hisobidagi g‘alabaga erishib, yarim finalga yo‘l oldi.
Shuningdek, -48 kg vaznda harakat qilayotgan Farzona Fozilova ham chorak finalda indoneziyalik Merlin Tomatalani mutlaq ustunlik — 5:0 bilan mag‘lub etdi va musobaqaning yarim finaliga yo‘llanma oldi.
Ikki sportchimiz ham final yo‘lida yana bir g‘alaba uchun kurash olib boradi. Ularga omad tilaymiz!
